أرخص طريقة لعمل متجر إلكتروني في مصر بدون اشتراك: الأوردر بجنيه ونص
لو عاوز تعمل متجر إلكتروني في مصر من غير اشتراك شهري، افتح شوب بيديك متجر كامل بتكلفة 1.5 جنيه فقط لكل أوردر ناجح. شوف هتاخد إيه واحسب تكلفتك بنفسك.
أرخص طريقة لعمل متجر إلكتروني في مصر بدون اشتراك: الأوردر بجنيه ونص
لو بتبيع أونلاين في مصر، فغالبًا آخر حاجة محتاجها إنك تبدأ كل شهر بتكلفة ثابتة للمتجر قبل ما تعرف هتبيع كام.
عشان كده في افتح شوب نموذج التسعير بسيط:
مفيش اشتراك شهري ثابت، وتكلفة استخدام المنصة 1.5 جنيه فقط لكل أوردر ناجح.
يعني تكلفة المتجر بتتحرك مع مبيعاتك بدل ما تبدأ تدفع قبل ما تبيع.
عملت 100 أوردر ناجح؟ تكلفة المنصة 150 جنيه.
عملت 500 أوردر؟ 750 جنيه.
لكن السعر لوحده مش كفاية للحكم على أي منصة.
السؤال الأهم هو:
إيه اللي هاخده مقابل الجنيه ونص؟
احسب تكلفة متجرك بنفسك!
الحسبة بسيطة جدًا:
10 أوردرات ناجحة = 15 جنيه
50 أوردر ناجح = 75 جنيه
100 أوردر ناجح = 150 جنيه
250 أوردر ناجح = 375 جنيه
500 أوردر ناجح = 750 جنيه
1000 أوردر ناجح = 1500 جنيه
يعني كل ما عدد الأوردرات يزيد، تقدر تعرف تكلفة استخدام المنصة فورًا بضرب عدد الأوردرات في 1.5 جنيه.
مثال:
لو متجرك عمل 100 أوردر ناجح في الشهر
تبقى تكلفة استخدام المنصة 150 جنيه.
ولو عمل 500 أوردر ناجح
تبقى التكلفة 750 جنيه.
مش مجرد صفحة تعرض عليها شوية منتجات.
افتح شوب بيديك متجر إلكتروني ولوحة تحكم تساعدك تدير عملية البيع من أول إضافة المنتج لحد متابعة الطلب والمخزون والتسويق.
إدارة المنتجات والأقسام
تقدر تضيف منتجاتك بصورها وأسعارها ووصفها وتفاصيلها، وتنظمها داخل أقسام ومجموعات تساعد العميل يوصل للمنتج اللي بيدور عليه بسهولة.
ومن لوحة التحكم تقدر تعدل بيانات المنتجات والأسعار والمحتوى من غير ما تحتاج ترجع لمبرمج في كل تغيير.
عندك منتجات كتير؟ مش لازم تدخلها واحدة واحدة
لو عندك كتالوج كبير أو بتنتقل بمنتجاتك من مكان تاني، تقدر تستخدم أدوات الاستيراد وإدارة الكتالوج بدل إعادة إدخال كل منتج يدويًا.
وده يوفر وقت كبير خصوصًا للمتاجر اللي عندها عشرات أو مئات المنتجات.
إدارة كل الأوردرات من مكان واحد
بدل ما الطلبات تفضل موزعة بين WhatsApp وInstagram وFacebook، الأوردرات اللي بتدخل من متجرك تظهر في لوحة التحكم.
تقدر تتابع حالة الطلب من وقت وصوله وحتى التجهيز والشحن والتسليم.
وبالتالي يبقى عندك مكان واحد تعرف منه إيه الطلبات الجديدة، وإيه اللي بيتجهز، وإيه اللي اتشحن واتسلم.
إدارة العملاء بدل ما يفضلوا مجرد أرقام في الشات
وجود متجر إلكتروني بيساعدك تجمع بيانات الطلبات والعملاء بشكل منظم، تقدر تتابع العملاء وطلباتهم بدل ما علاقتك بالعميل تنتهي بمجرد ما محادثة WhatsApp تختفي وسط باقي الرسائل.
وده مهم لما تبدأ تفكر بعد كده في إعادة البيع للعملاء الحاليين بدل الاعتماد كل مرة على جذب عميل جديد.
متابعة المخزون
من أصعب المشاكل لما البيع يزيد إنك تبيع منتج وبعدها تكتشف إن الكمية خلصت، افتح شوب بيساعدك تدير مخزون المنتجات وتتابع حركة المخزون، بالإضافة إلى التنبيهات الخاصة بالمنتجات اللي مخزونها بدأ يقل.
بدل سؤال:
"المنتج ده لسه موجود؟"
يبقى عندك نظام يساعدك تعرف الكمية المتاحة وتديرها.
الشحن ومناطق التوصيل
تقدر تضبط مناطق الشحن والتوصيل من داخل لوحة التحكم، بحيث يكون عندك نظام واضح لتحديد الأماكن اللي بتوصل لها وإعدادات الشحن الخاصة بمتجرك،
وده يقلل جزء كبير من الأسئلة المتكررة عن التوصيل وتكلفته.
اعمل خصومات وكوبونات وقت ما تحتاج
عاوز تعمل عرض آخر الشهر؟
كود خصم لمتابعين Instagram؟
عرض لعملاء معينين؟
تقدر تنشئ وتدير الكوبونات والخصومات من لوحة التحكم بدل ما كل عرض يحتاج تعديل يدوي في المنتجات.
صفحات هبوط للحملات والمنتجات
مش كل حملة إعلانية المفروض تنزل العميل على الصفحة الرئيسية للمتجر ،لو عندك منتج معين أو عرض أو Campaign، تقدر تعمل Landing Page مخصصة له وتوجه العملاء عليها مباشرة، وده يخلي تجربة العميل أكثر تركيزًا من أول الإعلان لحد الطلب.
Facebook Pixel وTikTok Pixel
ولو بتعمل إعلانات، المتجر مش منفصل عن التسويق، تقدر تربط Facebook Pixel وTikTok Pixel بمتجرك علشان تتابع سلوك الزوار وتقيس نتائج حملاتك بصورة أفضل وتبني حملات إعادة استهداف عند الحاجة.
بدل ما تدفع فلوس في الإعلانات من غير ما يكون عندك صورة واضحة عن اللي بيحصل بعد دخول العميل للمتجر.
اعرف إيه اللي بيحصل في متجرك بالأرقام
لوحة التحكم بتساعدك تتابع أداء المتجر بدل الاعتماد على الإحساس فقط، تقدر تعرف عدد الطلبات، الإيرادات، متوسط قيمة الأوردر، المنتجات الأكثر بيعًا، التصنيفات اللي بتتحرك بشكل أفضل والعملاء الأكثر شراءً، يعني لو منتج معين هو اللي بيجيب أغلب مبيعاتك، تقدر تشوف ده وتبني قرارات التسويق والمخزون عليه.
خلي المتجر يعبر عن البراند بتاعك
المتجر مش المفروض يبقى مجرد قالب حاطط عليه اللوجو، تقدر تختار وتضبط شكل المتجر والثيم والهوية البصرية، وتتحكم في الصفحة الرئيسية والمحتوى والصور بما يناسب البراند.
وتقدر تدير صفحات المتجر وسياساته ومعلوماته من لوحة التحكم.
عربي وإنجليزي وإدارة الترجمات
لو جمهورك عربي وإنجليزي، تقدر تدير المتجر باللغتين، وكمان عندك إدارة للترجمات والمحتوى بحيث تقدر تضبط النصوص المستخدمة داخل المتجر بما يناسب طبيعة البراند والعملاء.
متجر تطبيقات علشان متجرك يكبر معاك
احتياجات المتجر النهارده مش بالضرورة تكون نفس احتياجاته بعد سنة.
عشان كده افتح شوب بيدعم فكرة متجر التطبيقات والإضافات، بحيث تقدر توسع قدرات متجرك وتضيف خدمات وتكاملات جديدة بدل ما تحتاج تنقل نشاطك بالكامل لمنصة جديدة كل ما احتجت Feature إضافية.
من أول التسجيل لحد نشر المتجر
بعد ما تنشئ حسابك، تبدأ بتجهيز بيانات المتجر ونوع النشاط والهوية والشعار، بعدها تختار شكل المتجر، تضيف الأقسام والمنتجات، وتجهز صفحات وسياسات المتجر ومناطق الشحن.
ولما المتجر يبقى جاهز، تنشره وتبدأ تشارك الرابط مع العملاء على Instagram وTikTok وFacebook وWhatsApp، مش لازم تبدأ بـ500 منتج.
ممكن تبدأ بأهم منتجاتك، تنشر المتجر، وبعدها تكمل إضافة المنتجات والتطوير مع نمو المبيعات.
أنا ببيع على Instagram وWhatsApp، هل محتاج متجر أصلًا؟
السوشيال ميديا مهمة جدًا ومش المفروض المتجر يلغيها، لكن فيه فرق بين مكان تجيب منه العميل ومكان تدير فيه البيع، Instagram وTikTok وFacebook يقدروا يجيبوا العميل، لكن لو كل عميل بيحتاج يبعتلك:
السعر كام؟
المقاس موجود؟
عندك اللون التاني؟
الشحن بكام؟
ممكن صور أكتر؟
فأنت بتستخدم فريقك ووقتك في الإجابة عن معلومات ممكن تكون موجودة قدام العميل أصلًا،مع المتجر، العميل يشوف المنتج والسعر والصور والتفاصيل ويعمل الأوردر،
وأنت تستخدم السوشيال ميديا لجذب العملاء بدل ما تستخدمها كنظام إدارة طلبات.
هل فعلًا مفيش اشتراك شهري؟
نموذج الـ1.5 جنيه لكل أوردر ناجح لا يعتمد على اشتراك شهري ثابت مقابل استخدام المنصة.
وده معناه إن تكلفة استخدام افتح شوب مرتبطة بعدد الأوردرات الناجحة اللي عندك.
لو حابب تعرف أكتر عن الفرق بين نماذج الاشتراك والدفع حسب الاستخدام، اقرأ ديليل الاسعار في افتح شوب عندنا .
هل الجنيه ونص شامل الشحن؟
لا.
رسوم الشحن خاصة بخدمة أو شركة الشحن المستخدمة، ومش جزء من تكلفة استخدام منصة افتح شوب،وده طبيعي لأن تكلفة الشحن نفسها بتختلف حسب المكان والوزن وسياسة شركة الشحن.
هل الجنيه ونص شامل رسوم الدفع الإلكتروني؟
تكلفة استخدام المنصة شيء، ورسوم مقدم خدمة الدفع الإلكتروني شيء آخر،لو استخدمت بوابة دفع بتحصل رسوم على المعاملات، الرسوم دي بتكون حسب مقدم خدمة الدفع وشروطه، وليست جزءًا من الـ1.5 جنيه الخاصة باستخدام افتح شوب.
هل أحتاج مبرمج علشان أدير المتجر؟
في الاستخدام اليومي، لا،تقدر تضيف المنتجات وتغير الأسعار وتتابع المخزون والطلبات والعملاء وتدير المحتوى والعروض من لوحة التحكم.
الفكرة إنك تكون قادر تدير البيزنس بنفسك بدل ما كل تعديل بسيط يحتاج تذكرة لمطور.
هل افتح شوب مناسب للمشروعات الصغيرة؟
مش لازم تكون شركة كبيرة علشان تحتاج متجر إلكتروني، لو بتبيع ملابس، إكسسوارات، منتجات تجميل، إلكترونيات، منتجات منزلية أو أي منتجات تقدر تبيعها أونلاين، وجود متجر منظم ممكن يوفر عليك جزء كبير من الإدارة اليدوية، وخصوصًا لو أنت لسه في بداية المشروع ومش عاوز تبدأ بمصروفات شهرية ثابتة كبيرة قبل ما تعرف حجم مبيعاتك الحقيقي.
هل دي أرخص طريقة لعمل متجر إلكتروني في مصر؟
لو بتدور على أرخص متجر إلكتروني في مصر، متبصش فقط على الرقم المكتوب في الإعلان، بص على التكلفة الفعلية مقابل الأدوات اللي هتستخدمها، في افتح شوب تكلفة استخدام المنصة هي 1.5 جنيه لكل أوردر ناجح، وفي المقابل عندك إدارة منتجات وطلبات وعملاء ومخزون وشحن وكوبونات وصفحات هبوط وتحليلات وتسويق وثيمات واستيراد منتجات وأدوات تساعدك تشغل متجرك.
الحسبة قدامك:
لو عندك 100 أوردر ناجح، التكلفة 150 جنيه.
لو عندك 500، التكلفة 750 جنيه.
وأنت تقدر تحسب عدد أوردراتك وتقارن بنفسك.
ابدأ متجرك وخلي التكلفة مرتبطة بالبيع
مش الهدف إن يبقى عندك Website وخلاص.
الهدف إن يبقى عندك نظام يساعدك تعرض منتجاتك، تستقبل الطلبات، تتابع المخزون والعملاء، تعرف إيه اللي بيبيع، وتستخدم أدوات التسويق اللي تساعد نشاطك يكبر.
بدل ما تدفع اشتراكًا شهريًا ثابتًا قبل ما تبيع، مع افتح شوب تكلفة استخدام المنصة 1.5 جنيه لكل أوردر ناجح.
أضف منتجاتك، جهّز متجرك، شارك الرابط وابدأ البيع.
وخلي تكلفة المنصة تتحرك مع الأوردرات، مش تسبقها.
